Boknøtta 22. april 
print Sun 22. Apr 12 11:06

Boknøtta 22. april 2012


Heilt utruleg, han fyller 80 år i juli, men gamal til sinns kan aldri den mannen verta. Han er ein kulturpersonlegdom av dei skjeldne, østerdøl og målmann, skulemann og forfattar, sogemann og politikar. Kongens gull fekk han då han var 70, det skulle berre mangle!


Bibliografien hans er like mangfaldig som mannen sjølv, mange av bøkene hans har fått ein ekstra dimensjon ved at kona hans har illustrert dei, ho er ein framifrå biletkunstnar. Prisløna er dei begge.


Boka vi skal fram til i dag er også eit resultat av det kunstnariske samspelet ektefellene imellom. Mannen har skrive dikta; kona står for omslaget og illustrasjonane. Tittelen på boka er slett ikkje rett fram, og ho kom ut det året Johan Borgen fekk Nordisk Råds Litteraturpris og Sverige gjekk over til høgrekøyring.

 
Kva heiter forfattaren? Kva er tittelen diktboka som vi spør om?
 
Du kan vinne eit gåvekort på 250 kroner i Nynorsk Antikvariat om du sender svaret ditt til tinging@nynorskantikvariat.no innan torsdag 26. april klokka 10.00. Du kan også sende svaret ditt på SMS til (+47) 92 82 90 98.