Boknøtta 28. august 
print Sun 28. Aug 11 09:08

Han var trønder; skreiv mange og gode bøker, no er han lite lesen og mest gløymd. Då han var på det mest produktive var han populær og fekk gode meldingar. Som formann i Den norske forfatterforening ,og seinare leiar av Det litterære rådet, var han så avgjort ein del av den litterære offentlegheita. Ei av bøkene hans kom i svært mange opplag i ein periode på heile 69 år, siste gongen i 1994. Det er denne boka vi spør om. Tittelen ber eit kvinnenamn og hovudpersonen strir eit liv i bygdesamfunnet; ein kamp for å berge æra for seg og slekta si. Ho vert skulda for tjuveri, bygdesladderen bøyer henne, men knekk ho ikkje, vert det sagt. Boka er truverdig og overtydande, byr både på smil og tårer, godt fortalt og hendingsrik.

Kva for ei bok? Kva for forfattar?

Send svaret ditt til tinging@nynorskantikvariat.no  innan torsdag 1. september kl. 10.00. Du kan også nytte tekstmelding til 92 82 90 98. Mellom dei som svarer rett vert det trekt eit gåvekort på 250 kroner i Nynorsk Antikvariat.