Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta 25. desember



Det er mykje fin humor i denne romanen som kom ut på Cappelens Forlag i 1994. Det skulle berre mangle; forfattaren er kjent for livleg fantasi og stor forteljeglede. Han var alt då ein etablert og respektert forfattar, og hadde skrive mange bøker og skodespel. Barnebøkene hans er vidgjetne, og forfattaren er brukande til det meste, tekstane hans kan til og med nyttast til opera.

Forfattaren har blitt lagt merke til heilt frå debuten i 1979 og har fått ei rekkje prisar; mellom desse Teskjekjerringprisen, Melsom-prisen og Brageprisen.

Hovudpersonen i boka vi skal fram til arbeider som vegbomvakt. Som lesar får vi innsikt i dette no utdøyande yrket, og får vite korleis vektarane kunne få tida til å gå, når det elles var lite å gjere.

Kva er namnet på forfattaren? Kva er tittelen på romanen vi spør om?

Send svaret ditt til tinging@nynorskantikvariat.no  innan torsdag 5. januar kl. 10.00. Du kan også sende tekstmelding til 92 82 90 98. Mellom dei som har rett svar vert det trekt eit gåvekort på 250 kroner i Nynorsk Antikvariat.





http://www.nynorskantikvariat.no/Innhold/S00E3D66F-00E3D671
Sun 25. Dec 11 01:00