Boknøtta 1.1.2012 
print Mon 2. Jan 12 16:31

Med kart på forsatsen og på fribladet gav ein norsk presteson ut ei bok med tittel lik ein månad, og det er denne vi spør etter!

Han hadde debutert fire år før med ein roman som fekk svært gode kritikkar; tittelen då henta han frå «Tytebæret».

Seinare har han blitt nominert til Nordisk råds litteraturpris og gledd radiolyttarar med ein Bragepris-nominert roman om ein gamal tysk offiser buande på ei berghylle i ein fjord på Vestlandet.

Ei utsegn frå statsminister Lars Korvald om at «Norge er et land i verden» har ofte vorte feiltolka. Dei som har lese hovudoppgåva i historie frå Universitetet i Oslo av forfattaren vi i dag spør etter; vil lese Korvald-sitatet i sin rette kontekst: «I verden»; i motsetnad til det som ikkje er av denne verda.

Kva er namnet på forfattaren? Kva heiter romanen med tittelen som ein månad?

Send svaret ditt til tinging@nynorskantikvariat.no innan torsdag 5. januar kl. 10.00 og bli med i trekkinga av eit gåvekort i Nynorsk Antikvariat på 250 kroner. Du kan også sende inn svaret ditt på SMS til 92 82 90 92.