Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta. 25. mars

Boknøtta 25. mars

Ikkje alle vakre jenter skriv gode dikt, men eg kjenner fleire som gjer det. Med eit smil kring munnen tenkjer eg slik, og kjem i hug ei hyggeleg jente frå ungdomstida mi i Øystese i Hardanger.  No bur ho i Stavanger, men eg trur nok ho alltid vil rekne seg som «harding».

I fjor fekk ho Statens Garantiinntekt for kunstnarar. Dikta hennar er omsette til arabisk, engelsk, fransk, farsi, gælisk, hindi, punjabi, cannada, marrathi, oriya, malayalam, rumensk og makedonsk. Ho har gjeve ut åtte diktsamlingar, åtte barnebøker, og gjendikta ein palestinsk, ein iransk og ein engelsk poet. Ho har hatt manus og regi på ei rekkje kortfilmar. Filmane hennar har vore viste på filmfestivalar i Europa, USA og India. Ho har og delteke på fleire internasjonale poesifestivalar.

Den første diktsamlinga hennar kom i 1993 og første barneboka to år etter.
Fleire av titlane hennar får oss til å tenkje på matematikk og tal, det gjeld ikkje minst nokre av barnebøkene hennar, men kanskje aller mest diktsamlinga frå 2004, som vi skal fram til her.

Sist i denne boka finn vi ei heil side fotnotar med referansar til reknekunsten. Sjølve tittelen, så poetisk vakker og nyskapt han enn er, fører tankane våre til sjølve Al-Kwarizmi.

Kva heiter forfattaren? Kva for ei bok skal vi fram til?

Du kan vinne eit gåvekort på 250 kroner i Nynorsk Antikvariat om du sender svaret ditt til tinging@nynorskantikvariat.no innan torsdag 29. mars klokka 10.00. Du kan også sende svaret ditt  på SMS til 92 82 90 98



http://www.nynorskantikvariat.no/Innhold/S00EB7B11-00EB9CDD
Mon 26. Mar 12 23:52