Boknøtta 13.mai 
print Sun 13. May 12 13:48

Rart kor tankane flyg. Nett no hamna dei i Bergen; eg høyrer Sissel Kyrkjebø for meg. Ja, det er ein samanheng mellom henne og diktaren vi skal fram til, det gjeld ein tekst som han har skrive og ho har sunge. Sissel Kyrkjebø vart forresten fødd året etter at diktaren døydde.

Som fleire andre store nynorskdiktarar gjekk også denne på Voss Folkehøgskule i Lars Eskeland si styrartid, og til liks med Tarjei Vesaas skreiv han ei viktig bok om konflikten i «å vere fødd til bufast» og «ønskje om å vere fri», til dette temaet valde forfattaren vår ei episk-lyrisk form, og bygde boka ut til ein trilogi.

Han debuterte med ei diktsamling i 1908, han skreiv også fleire skodespel, og fekk mange prisar for diktinga si, mellom desse Doblougprisen og Melsomprisen.  Han døydde knapt 82 år gamal, ved 100-årsminne for hans fødsel kom han på frimerke.

Boka vi skal fram til denne gongen er ei diktsamling frå 1915, som han tileigna diktaren Garborg slik: «Eg vigjer mitt mannskvad Til ARNE GARBORG».

Kva heiter forfattaren? Kva er tittelen på diktsamlinga hans frå 1915?

Du kan vinne eit gåvekort på 250 kroner i Nynorsk Antikvariat om du sender svaret ditt til tinging@nynorskantikvariat.no innan torsdag 17. mai klokka 10.00. Du kan også sende svaret ditt på SMS til 92 82 90 98.