Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta 27. mai

No ved kvitsunnbel bruker eg å få vitjing av ein hyggeleg biletkustnar, fram gjennom sommaren er han ein tittgjengd gjest, han held då hus her i Tvedestrand, og han tek gjerne kunstnarvenene sine med seg til Bokhuset «Skagerrak Antikvariat» og «Nynorsk Antikvariat». (Her har vi no eksponert 65 000 bøker i tre høgder og har ei fin kunstbokavdeling i første høgda).

Denne kunstnaren har illustrert barneboka vi spør etter i dag. Forfattarane; far og dotter var 41 og 11 år då boka kom ut i 1981. Dei fortel om ei jente i ein vestlandsby. Ho går i femteklassen og har mange kameratar. Heime har ho foreldre, hund, katt og hamster, men det ho ønskjer seg er kanin!

Ho som i 1981 var 11 år, og forfattar, er i dag ein kjend biletkunstnarar som har hatt store utsmykkingsoppdrag og ei rekkje utstillingar.

Om «forfattarfaren» kan vi fortelje at han i tillegg til å vere forfattar er både lektor og litteraturkritikar. Han er fødd i Haugesund og bur framleis i heimefylket, no arbeider han ved ein vidaregåande skule i Stavanger. Han debuterte med ei diktsamling i 1969 og har sidan prøvd seg i fleire sjangrar, både som forfattar og som omsetjar. På byrjing av syttitalet budde han i Afrika, og i romanen hans frå 1986 rettar sterk kritikk mot norsk u-hjelp. Også som sakprosaforfattar har han markert seg som ein dugande og tydeleg skrivar, ikkje minst i tidsskrifta «Samtiden» og «Vinduet» og i «Norsk litterær årbok».

  • Kva heiter «forfattarfaren» og dottera hans?
  • Kva er tittelen på barneboka deira frå 1981?
  • Og kven illustrerte denne?
Send svaret ditt på SMS til 92 82 90 98 eller på e-post til tinging@nynorskantikvariat.no innan torsdag 31. mai kl. 10.00.

Mellom dei som svarar rett vert det trekt eit gåvekort på 250 kroner i Nynorsk Antikvariat.


http://www.nynorskantikvariat.no/Innhold/S00F2CCDD-00F2CCE3
Sun 27. May 12 11:25