Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta 20. januar

Litt av ei kvinne, gudbrandsdøl, nummer ti i ein barneflokk på tolv, lærar og barnbokforfattar, spela fele og langleik. Ei sterk målkvinne, ein viktig aktør i arbeidet med å innføre nynorsk i heimbygda. Ho var oppteken av likestilling all sin dag, 60 år gamal utdanna ho seg til snekkar.

Når eg les bøkene hennar må eg stanse opp og beint fram nyte formuleringane; framifrå landsmål med stor ordrikdom. Ho gjer bruk av den munnelege replikkunsten så teksten vert levande, likevel utan at språket hennar vert særs dialektmerkt.

Ho gav ut fire barnebøker, dei tre første på Olaf Norlis forlag, den siste på Noregs Boklag. Det er debutboka hennar vi skal fram til. Ei høveleg stor barnebok på 70 sider med framsideteikning i raudt og svart, der ei lita jente held dokka si opp ned etter venstrebeinet.

Forfattaren fylte 38 år i august det året boka kom ut, då var Peder Kolstad statsminister i Noreg.

Vi spør etter forfattaren og boktittelen.

Send svaret ditt til tinging@nynorskantikvariat.no før torsdag 24. januar kl. 10.00. Du kan også sende SMS til 92 82 90 98. Mellom dei som svarer rett vert det trekt eit gåvekort på 250 kroner i Nynorsk Antikvariat.



http://www.nynorskantikvariat.no/Innhold/S010E4B06-010E4B44
Sun 20. Jan 13 00:02