Boknøtta sundag 19. februar 2017 
print Lør 18. Feb 17 12:44

Det er krimfestival i Bokbyen ved Skagerrak denne helga. Festivalen som ber namnet «Hans Olav Lahlums krimfestival» har vorte ein stor suksess. Dette året er det rekordpåmelding, og programmet ber på mange spanande foredrag, tevlingar og kriminelle måltid på Bokhotellet Lyngørporten. Sundagen vert verdast einaste «krim-gudsteneste» gjennomført i Dypvåg kyrkje.

Det er derfor naturleg at også Boknøtta følgjer opp med ei krimbok. Ho kom tre år før forfattaren døydde, og er ei krim-novellesamling. Mannen vert ståande som ein av dei beste nynorske krimforfattarane våre, og vart heidra med Rivertonprisen for den tredje romanen sin.

Læraren frå Ryfylke hadde skrive fleire sakprosabøker og ei barnebok, før han slo igjennom som kriminalforfattar for vaksne i 1993.

Vi spør etter namnet på forfattaren og tittelen på den siste krimboka hans.

Send svaret på sms til 92829098 eller på e-post til tinging@nynorskantikvariat.no innan torsdag 23. februar klokka 10.00. Det blir trekt eit gåvekort i Nynorsk Antikvariat på 250 kroner mellom dei som svarer rett.