Boknøtta sundag 9. april 2017 
print Søn 9. Apr 17 10:57

Professoren, essayisten, samfunnsdebattanten, journalisten og forskaren, er også ein viktig skjønnlitterær forfattar, både som lyrikar og prosaist.

Det året då Ingebrigt Davik døydde kom han ut med ein særmerkt roman. Som i romanar flest er figurane oppdikta, men det spesielle med  denne boka er at det er romanfigurane til ein annan diktar som får nye liv og levere vidare.

Tittelen på boka  gjev oss peikepinnen. Romanfigurane kommenterer og fortel om diktaren og personen; rikmannssonen og samfunnsrefsaren. Han som tok for mykje til seg av alt som vart sett fram på bordet, noko som førde til at han berre vart 57 år.

Vi spør etter namnet på forfattaren og tittelen på boka.

Send svaret på sms til 92829098 eller på e-post til tinging@nynorskantikvariat.no innan skjærtorsdag, den 13. april klokka 10.00. Det blir trekt eit gåvekort i Nynorsk Antikvariat på 250 kroner mellom dei som svarer rett.