Boknøtta, sundag 30. april 2017 
print Lør 29. Apr 17 20:00

Læraren debuterte i 1959 med ein roman om forfølgingane av jødane. I 1976 kom han med ei barnebok, og i 1978 med ein sjølvbiografisk roman. Men det er som lyrikar han har nådd lengst, i perioden 1976 – 1994 gav han ut fire diktsamlingar, som alle fekk gode kritikkar.

I 2004 kom dikta hans «i utval», og i 2010 «i samling». Vossingen er også representert i dei to antologiane «Poetens Evangelium», redigert av Håvard Rem og i «52 norske dikt» ved Asbjørn Aarnes.

Elles så har han vore mykje nytta som kåsør, også i NRK, og han har skrive salmar.

Vi spør etter namnet på forfattaren.

Send svaret ditt til tinging@nynorskantikvariat.no (eller send SMS til 92829098), innan torsdag 4. mai kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.