Boknøtta, sundag 7.mai 2017 
print Lør 6. Mai 17 14:05

Islendingen kom til Noreg i 1920 for å gå på skule, og vart så verande her som folkehøgskulelærar. Han arbeidde også i barne- og ungdomsskulen. Forfattardebuten hans var som sakprosaforfattar i ungdomspsykologi.

Det året Albert Camus fekk Nobelprisen gav den islandsk-norske forfattaren ut si først ungdomsbok. Ho vart teken vel imot, og fekk pris frå Kyrkje- og undervisningsdepartementet. Seinare skulle han få både Nynorsk barnelitteraturpris og heider frå Sokneprest Alfred Anderson-Rysst fond.

Han redigerte ei samling med islandske eventyr og skreiv til saman om lag 10 romanar for barn og ungdom, dei fleste av desse med referanse til øy-landet han kom ifrå.

Boka vi skal fram til kom ut i 1959, og handlar om ein norsk sogehelt som vitja Island i året 910.
Vi spør etter namnet på forfattaren og tittelen på boka.

Send svaret ditt til tinging@nynorskantikvariat.no (eller på SMS til 92829098), innan torsdag 11. mai, kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.