Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta, sundag 6. august 2017

Gode nynorske ungdomsbøker er ein litterær sjanger som eg ofte får spørsmål om i antikvariatet. Foreldre og besteforeldre vi gjerne at ungdommane deira skal lese gode bøker. Men det er no slik at ungdom til alle tider veit best sjølve, og høyrer gjerne ikkje så mykje på gode råd, korkje frå slekta eller frå andre. Men dei barna og ungdommane som les dagens «boknøtt-forfattar» bruker å vere nøgde med lesnaden.

Vi har mange gode barne- og ungdomsforfattarar her i landet, og ein heil del av dei skriv på nynorsk. Forfattaren vi skal fram til denne gongen er frå Sunndalsøra. Han har hovudfagseksamen i litteratur. Då han debuterte med boka vi spør etter, var han forlagsredaktør. No er han forfattar på heiltid.

Det er ein produktiv og prisøna forfatta vi har for oss. Han har skrive både «fantasy» og krim, faktabøker for barn, og romanar både for barn, unge og vaksne. Han har også hatt suksess med barne- og ungdomsbøker i serie.

Debutboka hans, ei ungdomsbok med forball-tema, kom i to opplag det året Imre Kertész fekk Nobelprisen, og vi spør etter tittelen på boka og namnet på forfattaren.

Send svaret ditt til tinging@nynorskantikvariat.no (eller på SMS til 92829098), innan torsdag 10. august, kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.



http://www.nynorskantikvariat.no/Innhold/S01C897AB-01C897C6
Søn 6. Aug 17 13:00