Boknøtta, sundag 27. august 2017 
print Tir 29. Aug 17 15:58

Han byr på seg sjølv, ikkje minst som entertainer, og han er god med både med alvor og skjemt. Nitten år gamal kom han med den første boka si. Det var i diktbok. Sidan har han skrive i fleire sjangrar for både vaksne og born.

Dei to diktarbiografiane hans har fått mykje omtale. Ikkje minst den første, som kom i 1992. Ærleg og ekte som forfattaren er, så kom han her inn på tabu om den han skreiv om, ikkje noko gale i det, men somme meinte han kunne ha late det vere. Andre meite det var nødvendig og rett, mellom desse var Jo Tenfjord, som også kjende godt han som boka handla om.

Forfattaren vår har fått mykje heider; vi kan nemne Hedmarksprisen, Cappelenprisen, Prøysenprisen og Vidar Sandbechs kulturpris.

Boka vi spør etter er ei illustrert barnebok. Ho kom ut det året Tomas Tranströmer fekk Nordisk råds litteraturpris. (Forfattaren vår gav også ut ein roman det året).

Vi spør etter namnet på forfattaren, tittelen på barneboka og namnet på illustratøren.

Send svaret ditt til tinging@nynorskantikvariat.no (eller på SMS til 92829098), innan torsdag 31. august, kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.