Boknøtta sundag 24. september 
print Lør 23. Sep 17 18:24

Boknøtta sundag 24. september 2017

Det finst for få gode nynorske diktsamlingar for born. Men vi har ein del, og ei av dei kom ut i Ivar Aasen-året (som vart markert 100 år etter Aasen døydde), ho er illustrert av forfattaren sjølv.

Prestesonen er så avgjort vestlending, sjølv om han no i mange år har budd austpå. Han debuterte med ein roman det året Ivar Lo-Johansson fekk Nordisk råds litteraturpris, og har sidan hatt suksess i dei fleste sjangrar.

Prisar har det vorte mange av. Vi nemner Brageprisen, Doblougprisen, Aschehougprisen og Bastianprisen. Heile fire gonger har han fått Barnebokprisen til Noregs Mållag.

Vi spør etter namnet på forfattaren, og tittelen diktsamlinga for born, som han gav ut i Ivar-Aasenåret.

Send svaret på sms til 92829098 eller på e-post til tinging@nynorskantikvariat.no innan torsdag, den 28. september klokka 10.00. Det blir trekt eit gåvekort i Nynorsk Antikvariat på 250 kroner mellom dei som svarer rett.