Boknøtta sundag 19. november 2017 
print Lør 18. Nov 17 15:43

Eg hadde gleda av å kjenne denne sunnmøringen; heidersmannen, rektoren, forfattaren, journalisten, redaktøren og gledespreiaren. Det er den siste nemninga som leier oss til boka denne gongen. Ho kom ut det året Aleksandr Solsjenitsyn vart frå tekne statsborgarskapet sitt, og utvist frå Sovjetunionen.

Forfattaren likte å halde foredrag, og var ein framifrå kåsør, men som andre med orda i si makt, og kan få folk til å humre, så vart også han mest etterspurd som humorist og underhaldar i lyd og lag.

Han bokdebuterte med ei barnebok i 1947. Med det travle livet sitt var det  ikkje lett å få tid til å skape skjønnlitteratur. Men etter tjue år som folkehøgskulestyrar gjorde han skrivinga til leveveg, og nytta både dikt og prosa som kunstnarleg uttrykk.

Vi spør etter namnet på forfattaren, og tittelen på denne første humorboka hans.

Send svaret ditt på sms til 92829098 eller på e-post til tinging@nynorskantikvariat.no innan torsdag, den 23.november klokka 10.00. Det blir trekt eit gåvekort i Nynorsk Antikvariat på 250 kroner mellom dei som svarer rett.