Boknøtta, sundag 28. januar 2018 
print Lør 27. Jan 18 15:58

Han kan skrive enkelt om vanskelege emne. Mest kjend er vossingen som filosof og essayist, men han skriv også skjønnlitteratur. Det er den første romanen hans vi skal fram til i dag. Boka kom den hausten førsteamanuensisen fylte 43 år, tre år før han kunne titulere seg som professor.

Ho handlar om ein presteson frå Vestlandet, som legg teologien på hylla og heller satsar på ei sirkuskarriere i Tyskland. Men hovudpersonen held fram med forskinga si, han prøver å skjøne den djupe sanninga i komikken.

Vi spør etter namnet på forfattaren, tittelen på boka.

Send svaret ditt til tinging@nynorskantikvariat.no (eller på SMS til 92829098), innan torsdag 1. februar, kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.