Boknøtta 4. februar 2018 
print Man 5. Feb 18 13:29

Boknøtt nr. 364, sundag 4. februar 2018.

Læraren og arkivaren Erling Skjølberg gav ut mange gilde bøker på forlaget sitt i Trondheim. I 1962 gjorde han forlagsdrifta til leveveg, og to år etter kom boka vi skal fram til.

Det er ei samling forteljingar frå bygdene. Boka er på 125 sider. Stadnamna, personane og hendingane er autentiske.

Forfattaren er fødd i Verran. Han var bonde og journalist, og ei tid ordførar. Folkehøgskuleåret på Voss sette merke. Han debuterte som lyrikar i 1926.

Vi spør etter namnet på forfattaren, og tittelen på boka.

Send svaret ditt på sms til 92829098 eller på e-post til tinging@nynorskantikvariat.no innan torsdag, den 8. februar klokka 10.00. Det blir trekt eit gåvekort i Nynorsk Antikvariat på 250 kroner mellom dei som svarer rett.