Boknøtt nr. 365, sundag 11. februar 2018. 
print Lør 10. Feb 18 13:09

Det året svenskane byrja å køyre på høgre sida av vegen kom det ut ei bok i Oslo. Ho vart utgjeven i høve 100-årsdagen til minne om ein setesdøl.

Størstedelen av boka gjev plass til eit utval av dikta hans. Bakarst finn vi musikknotar til tre av songane hans, som er tonesette av Torleif Homme, Catharinus Elling og Olav Sande.

Den kjende professoren i folkeminnevitskap frå Bygland skreiv ei innleiing, og stod for utvalet av dikta og tekstane. Mellom anna valde han å ta med ein artikkel frå årboka til Den Norske Turistforening frå 1922.

Kva bok skal vi fram til?

NB! Send svaret ditt på sms til 92829098 eller på e-post til tinging@nynorskantikvariat.no denne gongen innan ONSDAG , den 14. februar klokka 10.00. Det blir trekt eit gåvekort i Nynorsk Antikvariat på 250 kroner mellom dei som svarer rett.

OBS! Boknøtta dreg så til Korsika og tek derfor ein pause fram til sundag den 25. februar!