Boknøtta nr. 367, sundag 4. mars 2018. 
print Søn 4. Mar 18 12:03

I boknøtta sist veke var vi inne på Vladimir som skulle setje om songen «Det er makt i de foldede hender» til Russisk. Denne gongen skal vi fram til ein heilt anna russar, men med det same førenamnet.

Lærarskulestyraren var redaktør av tidsskriftet som gav boka. Ho kom ut det året Admiral Byrd flaug over Sørpolen. I føreordet fortel målmannen at han skulle melde boka til Scheflo, men at stoffet vaks i hendene hans, så det vart ei bok like så stor som Scheflo si.

Vi spør etter namnet på forfattaren, og tittelen på boka.

Send svaret ditt på sms til 92829098, eller på e-post til tinging@nynorskantikvariat.no innan torsdag 8. mars klokka 10.00. Det blir trekt eit gåvekort i Nynorsk Antikvariat på 250 kroner mellom dei som svarer rett.