Boknøtta nr. 369, sundag 18. mars 2018. 
print Lør 17. Mar 18 14:13

Eg har vel lese dei fleste bøkene om mannen, dette er ikkje den største og viktigaste, eller den mest omfangsrike, men i sin sjanger er det ein god biografi. Med sine 173 paginerte sider gjev ho lesaren god innsikt i livet og verket til ein av dei største i norsk dikting.

Men mannen var ikkje berre ein stor kunstnar. Han var også eit språkgeni og vart professor. I politikken kom han til kongens bord, som statsråd både i Kristiania og i Stockholm.

Yrkesbroren var vel kvalifisert til skrivinga. Han hadde skrive mykje før, viktige historiske verk og biografiar. No var han klar for å skrive denne boka, som kom ut det året då ein svenske overtok etter ein nordmann som generalsekretær for Dei Sameinte Nasjonane.

Kven skreiv denne boka, og kva var den enkle tittelen, som svara til namnet på den biograferte?

Send svaret ditt på sms til 92829098, eller på e-post til tinging@nynorskantikvariat.no innan torsdag 22. mars klokka 10.00. Det blir trekt eit gåvekort i Nynorsk Antikvariat på 250 kroner mellom dei som svarer rett.