Boknøtta, sundag 13.mai 2018 
print Lør 12. Mai 18 14:40

Denne gongen skal vi fram til ein science fiction-roman for ungdom. Dette var den andre boka hans i denne sjangeren, og ho kom ut det året romsonden Voyager 2 nådde fram til Neptun.

Forfattaren er elles journalist, lokalhistorikar og informasjonsarbeidar. Han vart fødd det året William B Shockley fann opp den bipolare transistoren, og debuterte med ei barnebok det året romstasjonen Skylab styrta i Indiahavet.

Som sakprosaforfattar har han helst halde seg til båtar og båt-bygging, og til fiske og fangst, men han har også skrive ei bok om ein kunstmålar som var utdanna ved Statens Kunstakademi i Oslo, og som deltok fleire gonger på Haustutstillinga i åra frå 1912 til 1917. I 1931 prøvde denne kunstnaren å selje fem av måleria sine, signerte med Nikolai Astrup. For dette vart han dømd til 75 dagar fengsel på vilkår. Han hadde tidlegare levert inn eit bilete til Haustutstillinga med Astrup sin signatur, men då som ein demonstrasjon, eller provokasjon.

Men det var forfattaren, og den tredje boka hans vi skulle fram til, og spør etter namnet hans og tittelen på boka.

Send svaret ditt til tinging@nynorskantikvariat.no (eller på SMS til 92829098), innan torsdag 17. mai, kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.