Boknøtt nr 388, sundag 28. juli 2018 
print Lør 28. Jul 18 23:02

I essay-samlinga, som vi skal fram til i Boknøtta denne gongen, drøftar filosofen frå Bergen  arbeidarparti-staten og den reelt eksisterande kapitalismen, side om side med kommentarar til Platon, Marx og Adorno.

Eg kjenner forfattaren frå åra mine i Dag og Tid. Han snakka og skreiv både godt og reflektert, enda så ung han var (fødd i 1968). Andre kjenner han som førelesar ved universitetet i Bergen, eller som skrivande i Studvest, Syn og Segn, TAL og Agora. Til liks med andre nynorske filosofar, som Hans Skjervheim, Jon Hellsenes og Gunnar Skirbekk, maktar han å skrive enkelt om det vanskelege – ein kunst som er noko av det edlaste eg veit.

Boka vi spør etter kom ut det året kulturministeren Åse Kleveland opna Den Norske Bokbyen i Fjærland.

Kva heiter forfattaren, og kva er tittelen på boka.

Send svaret ditt til tinging@nynorskantikvariat.no (eller send SMS til 92829098), innan torsdag 2. august kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.