Boknøtta nr. 393, sundag 2. september 2018 
print Lør 1. Sep 18 20:38

Forfattaren er mest kjend som journalist og redaktør, men den siste jobben hans var som leiar for museet som tek vare på historia om den norske møbelindustrien. Sunnmøringen er ein hyggeleg og dugande mann, og ein heidersmann i all si gjerd. I desse dagar kallar han seg «fersk pensjonist», men han skriv nok på noko likevel.

Det året Dag Solstad kom med «Gymnaslærer Pedersen» kom mannen vår med ei bok som også ferske lektorar kunne ha nytte av, til liks med så mange andre unge menneske. Det er ei hjelpebok på 138 paginerte sider, knapt 12 cm brei og godt 18 cm høg, med andre ord; høveleg storleik til å putte i jakkelomma. Det er ei slags jakt ho legg opp til denne boka, om ikkje nett av det blodige slaget.

Ein annan journalist og heidersmann frå Sunnmøre laga teikningane i boka. Fred med hans minne – uvanleg mange små og store var glade i denne multikunstnaren.

Så spør vi etter tittelen på boka, namnet på forfattaren, og namnet på illustratøren.

Send svaret ditt til tinging@nynorskantikvariat.no (eller på SMS til 92829098), innan torsdag 6. september, kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.