Boknøtta nr. 401, sundag 11. november 2018 
print Lør 10. Nov 18 13:32

Ei alvorleg barnebok som kom i to opplag. Ho handlar mellom anna om ei lita jente i byen, som opplever at far hennar vert alvorleg sjuk og døyr. Boka er illustrert med foto på ein spanande måte. Då boka kom vart ho rekna som nyskapande både i innhald og formgjeving.

Forfattaren var 29 år, og hadde gjeve ut fire diktsamlingar. Då andre-opplaget kom ut var han blitt sjef for forlaget. Sidan den gongen har han vorte ein kjend mann på så mange omkverve, mellom anna som initiativtakar til ein stor litteraturfestival, og som bokmeldar i Aftenposten i hele 40 år. Forfattarskapen er omfattande, og tekstane hans er sette om til heile 37 språk.

Direktør, kultur- og kinosjef, fylkeskultursjef, og statsstipendiat – og lista over norske og utanlandske prisar og utmerkingar er for lang til å referere. Seinast dette året har han fått ein norsk poesipris og ei utanlands heidersmedalje.

Vi spør etter tittelen på boka, og namna på forfattaren og illustratøren (fotografen).

Send svaret ditt til tinging@nynorskantikvariat.no (eller send SMS til 92829098), innan torsdag 15. november kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.