Boknøtta nr. 403, sundag 25. november 2018 
print Lør 24. Nov 18 17:59

Same året som Jon Fosse kom med «Dyrehagen Hardanger» gav den seinare teatervitaren, og scenekunstnaren med doktorgrad, ut ei ungdomsbok. Forfattaren var då berre tjueto år gamal. I boka brukte ho røynslene sine som søster i ein familie, og boka vart lagt merke til og teken godt imot. Hardanger kan vere eit stikkord for å finne fram til forfattaren, begge foreldra kom derifrå, og forfattaren fekk også barneår der.

Vi spør etter namnet på forfattaren og tittelen på boka.

Send svaret ditt til tinging@nynorskantikvariat.no (eller send SMS til 92829098), innan torsdag 29. november kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.