Boknøtta nr. 405, sundag 9. desember 2018 
print Lør 8. Des 18 14:20

Forfattaren har vi vore innom eit par gonger før her i Boknøtta. Men han er ein av desse som eg liker å lyfte fram, så han ikkje skal bli gløymd.

Det året mor mi vart fødd, og kvinnene her i landet fekk same røysteretten som menn, kom det ei lita bok. Eg har stor sans for tittelen på boka, som kan stå som sjølve programmet på livsverket til forfattaren. Det var dette han stod for, og formidla i møte med menneske. Presten som var fødd i Risør og døydde i Ullensvang, var ungdomsprest i Kristiania då han skeiv boka, og det var nok tekstar han utarbeidde i den tenesta som han her let prente.

Vi spør etter namnet på forfattaren og tittelen på boka.

Send svaret ditt til tinging@nynorskantikvariat.no (eller send SMS til 92829098), innan torsdag 13. desember kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.