Boknøtta nr. 407, sundag 23. desember 2018 
print Lør 22. Des 18 22:40

Ja, det må då vere ei bok om jula denne gongen! Men det er ikkje noko tradisjonell juleforteljing det dreier seg om. Nei, det er snakk ein julekveld på vårparten ein gong. Dei to har fått det for seg at dei skal trylle fram ein slik. Dei tek i bruk alt som står til rådvelde, og det går med så mangt i det arbeidet, ikkje minst vaflar. Men det er ikkje noko lett oppgåve dei har gått laus på, vanskane er mange og det dukkar opp ein skurk  i julepynten.

Forfattaren, som er fødd på Sunndalsøra, er prisløna for sine barne- og ungdomsbøker. Han debuterte som forfattar i 2002, og fekk eit retteleg gjennombrot med ein fantasyroman i 2009. I dei siste fem åra har han etablert seg som ein habil krimforfattar.

Illustratøren frå Rogaland er ein kjend biletkunstnar, han har illustrert mange bøker, og fått mykje heider for arbeida sine. Kunstnaren har hatt separatutstillingar i New York, Wien og Berlin, og elles delteke på ei rekkje utstillingar i inn- og utland.

Vi spør etter namna til forfattaren og illustratøren, og tittelen på denne barneboka.

Send svaret ditt til tinging@nynorskantikvariat.no (eller send SMS til 92829098), innan torsdag 27. desember kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.