Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta nr. 410, sundag 13. januar 2019

Det er heilt utruleg kor mykje godt kulturarbeid forfattaren har fått gjort i sitt til no 70-årige liv. Han er spelemann, komponist, tilskipar, tilskuvar, kåsør, forleggjar og enda mykje meir. Denne boka gav han ut på sitt eige forlag, det skulle berre mangle, det allsidige tiltaket gjev ut både bøker og musikk.

Føreordet er dagsett i mars, det året han boka er om fylte 90 i juli. Det var nok å fortelje om karen, berre dei på folkemunne levande sogene om han, kunne fylle ei heil bok. Skrivaren  brukte tid på å snakke med mannen på gamleheimen, og vart rikt løna med sitatverdige utsegner. Men forfattaren har hatt interesse for mannen han skreiv om heile livet. Ja, han  nemner at heilt frå han var i ti-års alderen har han samla på slåttar og soger etter den fargerike spelemannen. Det var såleis ikkje å undrast på at det vart ei leseverdig og flott bok.

Ho er gildt illustrert med trykk av ein biletkunstnar, som er kjend og prisløna for bokkunsten sin. Det er også teke med ei mengd interessante historiske bilete. På omslaget ser vi den biograferte spelemannen med fela si, etter eit oljemåleri av Dagfin Werenskiold.

Kva bok skal vi fram til, kven skreiv ho, og kven laga dei makelause illustrasjonane?

Send svaret ditt til tinging@nynorskantikvariat.no (eller send SMS til 92829098), innan torsdag 17. januar kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.



http://www.nynorskantikvariat.no/Innhold/S01F30539-01F30542
Sat 12. Jan 19 20:50