Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta nr. 416, sundag 24. februar 2019

Han hausta debutantprisen til Tarjei Vesaas for ei diktsamling. Etter kvart har han vorte heidra med ei rekkje andre prisar også.

Fram til 1997 arbeidde han med pasientar, sidan har han for det meste halde seg til ord- og biletkunsten. Vestlendingen har skrive romanar, noveller, skodespel og songtekstar. Det har vorte meir enn 40 bøker til saman. Somme av barne- og ungdomsbøkene hans har skapt debatt. Han har blitt ein forfattar med fleire «kult-bøker» på samvitet. Det er noko vi i antikvariatverda sit pris på.

Boka vi skal fram til er ei diktbok for ungdom med strekteikningar av forfattaren sjølv. Ho kom ut på Gyldendal Norsk Forlag 40 år etter debuten. Forfattaren sleppte tre bøker det året.

Vi spør etter namnet på forfattaren og tittelen på boka.

Send svaret ditt til tinging@nynorskantikvariat.no (eller send SMS til 92829098), innan torsdag 28. februar kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.


http://www.nynorskantikvariat.no/Innhold/S01F56035-01F56037
Sat 23. Feb 19 20:12