Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta nr. 420, sundag 24. mars 2019

Han var ein av våre finaste lyrikarar, med ein stor produksjon i fleire sjangrar. Noko som særmerker denne forfattaren er at han skriv like godt for born som for vaksne. Barnediktbøkene hans er noko av det vakraste vi har, også takka vere illustratørane. Det er ei av desse bøkene vi skal fram til. Ho er illustrert av ein prisløna kunstnar frå Bergen, som til og med hadde vunne Bokkunstprisen.

Forfattaren var 27 år då han debuterte som lyrikar under krigen. Han hadde fylt 67 år då han kom med barnediktboka som vi skal fram til. Ho har 18 dikt, det første er titteldiktet. I det siste seier barnebarnet til bestemora at ho er vakker. Bestemora protesterer på det. Guten vert sitjande og sjå, og tenkje, at bestemora er den snillaste som finst. Diktaren let så denne tanken følgje guten gjennom livet; berre den som er god er vakker!

Vi spør etter tittelen på boka, og namnet på forfattaren og på illustratøren.

Send svaret ditt til tinging@nynorskantikvariat.no (eller send SMS til 92829098), innan torsdag 28. mars kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.



http://www.nynorskantikvariat.no/Innhold/S01F6DA3C-01F6DA3E
Sat 23. Mar 19 21:31