Boknøtta nr. 427, sundag 19. mai 2019 
print Sat 18. May 19 19:33

Det har nok ikkje hendt før, her i Boknøtta, at vi har spurt etter ei bok, som var ein bestseljar i Amerika. Men det er ei så viktig bok, at ho aldri må gløymast! Derfor er det som ei plikt å lyfte ho fram. Det er 58 år sidan boka kom ut her i landet, og 74 år sidan hendinga som vert skildra hende.

Det var to dugande kvinner som valde ut tekstane til den norske utgåva. Den eine redigerte boka, og mannen hennar skreiv føreordet. Omslaget vart også laga av ei kvinne. Dei 27 tekstane er gripande lesing. Dei fleste er barneskulestilar. Nokre er skrivne av ungdomar i den høgre skulen, og nokre av college-studentar.

Etter 21 år kom boka ut i opptrykk, då var det ein mann som teikna omslaget.

Vi spør etter tittelen på boka.

Send svaret ditt til tinging@nynorskantikvariat.no (eller send SMS til 92829098), innan torsdag 23. mai kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.