Boknøtta nr. 441, sundag 25. august 2019  
print Sat 24. Aug 19 22:01

Ei nynorskavis på Vestlandet skipa til, like før krigen, ei skrivetevling for ungdom. Det kom inn mange gode tekstar, og lesarane fekk vere med på å røyste fram dei beste. Det vart ei bok på 148 sider, av desse «utklippskjellarane» som hadde vorte trykt i bladet. Ein av deltakarane, fekk første og tredjeplassen med to ulike noveller. Vinnaren kom frå Gaular og var fødd i 1908. Ei kvinne tevla hardt om å kome øvst på pallen, ho vanta berre eitt poeng. Betzy Rød heitte ho, og hadde skreve novella «Arven og lagnaden». Håkon Gausemel kom på fjerdeplass.

Fleire av deltakarane har vi møtt igjen seinare. Ein vart redaktør under krigen, det stansa karrieren hans. Ein annan står på sokkel og fekk kongens fortenestemedalje både i sølv (1973) og i gull (1998).

Vi spør etter namnet på avisa og tittelen på boka, som er den same som namnet på skrivetevlinga.

Send svaret ditt til tinging@nynorskantikvariat.no (eller send SMS til 92829098), innan torsdag 29. august kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.