Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta nr. 447, sundag 6. oktober 2019

 Første gongen eg skulle helsa på han kvilte han middag. Kona hans nemnde han med etternamn, og fortalde meg det. Det var den andre kona hans, ho kom inn i livet hans etter at han var vorte enkjemann. Eg fekk koma att om ein times tid. Det gjorde eg. Møtet innleia eit venskap med bokkjøp og boksal, som vi begge skulle få mykje gleda av. Han hadde mangt å fortelja, og eg høyrde på han med stor interesse. Den gamle læraren hadde vore borti så mykje som lokalpolitikar, kommunerevisor, bygdebokforfattar, slektsgranskar og kordirigent. For samfunnsengasjementet sitt vart han heidra med Kongens sylv.

Son hans, biletkunstnaren, kjende eg frå Oslo. Både far og son var ualminneleg hyggelege, hjelpsame og opplyste. Dei ville noko med livsgjerninga si begge. No er dei borte båe to, eg minnest dei med takksemd. Sonen illustrerte den boka vi skal fram til. Det er ei barnebok, ho kom det året vi såg slutten på krigen i Vietnam, og dei amerikanske styrkane reiste heldigvis heim att.

Vi spør etter tittelen på barneboka, og namna til forfattaren og illustratøren.
Send svaret ditt til tinging@nynorskantikvariat.no (eller send SMS til 92829098), innan torsdag 10. oktober kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.







http://www.nynorskantikvariat.no/Innhold/S020909F2-020909F4
Sat 5. Oct 19 20:28