Boknøtta nr. 461, sundag 12. januar 2020 
print Sun 12. Jan 20 10:07

Pianisten og  musikkpedagogen i Stavanger var fødd på 17. mai, og skreiv både for born og vaksne. Ho debuterte 23 år gamal, med nokre lystspel for born, som ho skreiv saman med søstera si på 19, som hadde fødselsdagen sin på jolaftan.

Året etter kom ho med ein treaktars komedie. Under krigen gav ho ut ei barnebok, ei ungdomsbok og ein roman. Men det er romanen hennar frå 1946, vi spør etter.

Handlinga og miljøet er urbant og særmerkt. Estetikk, kunst, legning og dragning er tema som spelar seg ut i teksten. Språket er klassisk tradisjonelt landsmål, brukt på område som krov skaparglede i utforminga og kreativitet i ordvalet.

Vi spør etter namnet på forfattaren og tittelen på boka.

Send svaret ditt til tinging@nynorskantikvariat.no (eller send SMS til 92829098), innan 16. januar kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.

piano.jpg