Boknøtta, sundag 2. februar 2020  
print Sun 2. Feb 20 09:56

 Vi skal fram til ein av dei mest mangslungne forfattarar i norsk bokheim. Bibliografien til statsstipendiaten nemner verk frå 1893 til 1956. Språkmannen, botanikaren og fråhaldsmannen skreiv mykje, og om mykje; frå saftkoking til Grønlandssaka.

Han var fødd på Nordmøre og vaks opp på Vestlandet. Det året unionen mellom Noreg og Sverige sprakk var han ferdig med medisinstudiet, to år etter fekk kan kongens gullmedalje for ei avhandling om norske plantenamn. Same året kom læreboka hans i helselæra, som vel er den boktittelen som oftast har vore nemnt, og som Bjørnstjerne Bjørnson gjorde narr av. Ho kom i mange opplag. I dag er ho svaret på boknøtta!

Ja, vi vil vita namnet på mannen og tittelen på boka.

Send svaret ditt til tinging@nynorskantikvariat.no (eller send SMS til 92829098), innan 6. februar kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.