Boknøtta nr. 467, sundag 16. februar 2020  
print Sun 16. Feb 20 09:45

Ho debuterte med ei diktsamling i 1968 og titteldiktet finn vi på side 17. Boka vart lagt merke til. Det vart nemnt at ho skreiv «kvinnelyrikk» annleis enn andre kvinner. Forfattaren var 28 år og ei einsleg svale i redaksjonen i det mannsdominerte litteraturtidsskriftet i Oslo. Å bli sett i ein «sjangerbås» tykte ho ikkje noko om, fri og annleis som diktinga hennar var og er. Sjølv held ho dei tre bøkene sine frå 1975, 76 og 77 for å vere den «verkelege» litterære debuten sin. Det må ho gjerne gjere, med samlinga hennar frå 1968 er likevel den boka som er mest etterspurd i antikvariata.

Forfattaren er omsett til mange språk. Ho har også markert seg som ein dugande essayist. Som lærar, lektor, amanuensis, og frå 1996 som professor i faget, har ho inspirert fleire generasjonar unge i diktarkunsten.

Ho har også vorte heidra med ei rekkje prisar, mellom desse: Amalie Skram-prisen,  Doblougprisen, Aschehougprisen og Samlagsprisen. På 1990-talet var forfattaren festspeldiktar og vart også nominert til Nordisk råds litteraturpris.

Vi spør etter namnet hennar og tittelen på debutsamlinga frå 1968.

Send svaret ditt til tinging@nynorskantikvariat.no (eller send SMS til 92829098), innan torsdag 20. februar kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.