Boknøtta nr. 470, sundag 8. mars 2020  
print Sun 8. Mar 20 11:49

I går var det 100-årsfest for Dypvåg grendehus. I dag er det den internasjonale  kvinnedagen. Til lukke med dagen alle kvinner! Takk til alle som held liv i lokale grendehus, med dugnadar, basarar, julemarknader og drift av bygdekinoen.

Boka vi skal fram til i dag kom det året Dypvåg grendehus vart bygt, og er skriven av ei sterk kvinne som var oppteken av kulturhistorie og folkeopplysning. Ho er rekna som «mor» til ein av våre viktigaste nynorske institusjonar i Oslo. Då får det våga seg at ho som romanforfattar helst skreiv på bokmål. Tittelen på boka kan elles assosiera noko av det forfattaren er mest kjend for.

Vi spør etter namnet på forfattaren og tittelen på romanen.

Send svaret ditt til tinging@nynorskantikvariat.no (eller send SMS til 92829098), innan torsdag 12. februar kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.

dypvåg.jpg