Boknøtta nr. 472, sundag 22. mars 2020 
print Sun 22. Mar 20 12:30

Lærar- og forfattarsonen var fødd i Telemark det året Vinstre vann siger i riksrettssaka, og Johan Sverdrup samla den første regjeringa i landet ut frå stortingsfleirtalet.

Heile livet laut forfattaren ha eit namn som forveksla han med ein som var meir kjend. Namnebrørne likte seg godt i skogen begge, men berre forfattaren vart rektor for ein skogskule.

Han skreiv både for store og små. til å byrja med på bokmål. Som barnebokforfattar debuterte han i 1928 med ei bok som kom på nynorsk i 1950, det er ikkje denne vi skal fram til, men forteljinga hans frå 1933, andre opplaget av boka kom i 1953 og tredje opplaget i 1973. Olav Dalgard melde boka då ho kom ut, han samanlikna forfattaren med Mikkjel Fønhus, og let vel over både naturinnlevinga og språket.

Kva heiter forfattaren og kva er tittelen på boka?

Send svaret ditt til tinging@nynorskantikvariat.no (eller send SMS til 92829098), innan torsdag 26.mars kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.