Boknøtta nr. 480, sundag 17. mai 2020  
print Sun 17. May 20 10:50

Han var den yngste ordføraren i landet den første gongen han fekk det vervet, og heldt fram som ordførar i fleire periodar sjølv om kommunen vart delt.

Den gongen var det greitt å vere redaktør og ordførar på same tid. Men i sitt eige parti var han omstridd, og til slutt ekskludert. Han skipa også si eiga avis, ho levde berre nokre år. Men hans karriere som lokalpolitikar var ikkje over, han vart attvald gong på gong.

Som lokalhistorikar og bygdebokforfattar vart han mykje omtykt, og han utvida og vidareutvikla denne sjangeren. Han minnest i dag både med vegnamn og bauta, i tillegg til forfattarskapet.

Det vart sagt om debutboka hans at ho var sterkt inspirert av Sivle, Hovden og Garborg. Det er nok rett, han var berre 23 år. Etter kvart fann han si eiga form og gav ut mange diktsamlingar.
Så spør vi etter forfattarnamnet og tittelen på den første boka hans, og ønskjer alle ein fin 17.mai!      

Send svaret ditt til tinging@nynorskantikvariat.no (eller send SMS til 92829098), innan torsdag 21. mai kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.

www.document.no_wp-content_uploads_2012_05_Norges-flagg.jpg