Boknøtta nr. 483, 6. juni 2020  
print Sun 7. Jun 20 10:01

I dag skal vi fram til ei stor bok! Ho er berre to år gamal, men fortener å bli tyft fram likevel. For meg er ho eit viktig oppslagsverk, både når eg lagar nøtta her, og elles i arbeidet mitt i antikvariatet.

Med sine 679 store kvadratiske sider har du lesestoff lenge om du gjev deg i kast med ho. Det er ikkje nett ei bok til å lese på senga, ho er så tung at ho lyt sendast som pakke i posten.

Forfattaren er dugande i all si skriving, både skjønnlitterært og i sakprosa. Han har også vore med her i Boknøtta før. Professoren er elles ein svært hyggeleg kar og er fødd ein septemberdag i 1954.

Vi spør etter tittelen på boka og namnet på forfattaren.

Send svaret ditt til tinging@nynorskantikvariat.no (eller send SMS til 92829098), innan torsdag 11. juni kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.