Boknøtta nr. 484, sundag 14. juni 2020 
print Sat 13. Jun 20 21:21

Han debuterte under første verdskrigen og er rekna som ein av dei store og viktige lyrikarar i den norske litteraturen. Han hadde givnader på fleire omkverve, og tenkte på å verta fiolinist. Tæring sette ein stoppar for det yrkesvalet. Han laut amputere ein finger.

Det er den første boka hans vi skal fram til. Han hadde vorte lagt merke til som ein gåverik lyrikar frå det første diktet hans stod på trykk i avisa «Den 17.mai», det året Hamsun kom med dei to bøkene «Benoni» og «Rosa». Men det skulle gå fleire år før han kjende seg «åndeleg mogen» til å gje ut bok.

Arne Garborg skal ha nemnt ungdomen som den mest lovande norske diktaren, og det før han hadde gjeve ut debutsamlinga.

Vi spør etter namnet på diktaren og tittelen på debutboka hans.

Send svaret ditt til tinging@nynorskantikvariat.no (eller send SMS til 92829098), innan torsdag 18. juni kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.