Nynorsk antikvariat

.
E-post: tinging@nynorskantikvariat.no
www.nynorskantikvariat.no

Boknøtta nr. 496. Sundag 6.september

No var det like før eg gløymde heile boknøtta, her eg sit i svigermors residens ved Granvinsvatnet og førebur meg til «Bokbad» i ungdomshuset Trudvang i ettermiddag. Journalistveteranen Nils Kvamsdal i avisa Hordaland og professorkjendis Gunnstein Akselberg skal samtala med meg om boka «Thrond Sjurson Haukenæs. Mannen og verket». Barndomsven og meisterspelemann Knut Hamre spelar slåttar med tilknyting til Haukenæs. Sjølv om me følgjer alle «koronareglane» vert det plass til mange i Trudvang. Eg gler meg, munnbind vert å få kjøpt.

Den femte siste nøtta mi vert slik:
Den mest kjende forfattaren frå heimbygda mi er ei dugande kvinne. Ho har skrive i dei fleste sjangrar og vorte heidra med Brageprisen. Det er diktdebuten hennar frå 2005 me skal fram til. Tittelen signaliserer at ein kan venta seg det meste om ein byrjar å lesa denne boka.

Kva heiter diktaren, og kva er tittelen på boka?

Send svaret ditt til tinging@nynorskantikvariat.no (eller send SMS til 92829098), innan torsdag 10. september kl. 10.00. Du er med i trekkinga av eit gåvekort på 250 kroner i Nynorsk Antikvariat om du svarar rett.

15338863_1369178489773762_3908239590346543470_n.jpg

http://www.nynorskantikvariat.no/Innhold/S021C4D10-021C4D17
Sun 6. Sep 20 10:56