Mortensson, Ivar  Trollham. Spelstykke (ei vending)
Trollham. Spelstykke (ei vending)
Forfattar:  Mortensson, Ivar

Kristiania 1906. Aschehoug. Det Mallingske Bogtrykkeri. Liten 8vo. 31 s. Hefta. Blåleg omslag utan ryggskrift. Privat helsing på tittelbladet. Svak skjold på framomslaget, elles i god stand. Ivar Julius Mortensson-Egnund (1857–1934), døypt Ivar Julius Mortensen, var ein norsk folkeminnesamlar, målmann, politikar, forfattar, journalist, teolog, omsetjar og filosof, og ein av dei mest allsidige kulturpersonlegdomane Noreg har hatt. Ivar Mortensson-Egnund er mest kjend for omsetjingane/gjendiktingane sine av Draumkvædet (1905) og Den eldre Edda (1908), men han gav også ut to samlingar med eigne dikt. Han var ein god ven av og samarbeidspartnar med Arne Garborg. Begge kjempa utrøytteleg for landsmålssaka, og fungerte som språkpolitiske motpolar til riksmålsmannen Bjørnstjerne Bjørnson. Dei støtta parlamentarismen til Johan Sverdrup og partiet Venstre, men vonbrotet over den politiske utviklinga i 1880–1890-åra gav dei anarkistiske sympatiar. Seinare orienterte Mortensson-Egnund seg meir i ei teosofisk/antroposofisk retning. Trass i skiftande ideologisk syn hadde han ei urokkeleg kristentru heile livet, og verka i åra 1909–1918 som prest i Den norske kyrkja. (Frå nynorsk Wikipedia). Nynorsk.
#Skodespel